Qashqadaryo viloyati musiqali drama teatri yana tomoshabinlar bilan gavjum boʻldi. "Turkiston bolalari" spektaklining navbatdagi tomoshabinlari Qarshi davlat texnika universiteti professor-oʻqituvchilari va talaba-yoshlari boʻlishdi. 

Ushbu spektakl J.Jovliyevning “Qoʻrqma” va B.Irzayevning “O‘zbek yoshlari va xorijiy ta’lim” asarlari asosida rejissiyor R.Togʻayqulov tomonidan sahnalashtirilgan. Spektakl viloyat teatrining iqtidorli aktyorlari tomonidan mahorat bilan ijro etildi.

Dramada 1922–1937-yillarda Germaniyada tahsil olgan jadid yoshlarning fojiali qismati aks ettirilgan boʻlib, unda vatanparvarlik, ilmga muhabbat tarannum etilgan.

Universitet axborot xizmati