Bugun universitet kengashining navbatdagi yigʻilishi boʻlib oʻtdi. Unda oliygoh rahbariyati, professor-oʻqituvchilar va yosh olimlar ishtirok etdilar.

Dastlab Oʻzbekiston Respublikasi Prezidenti farmonlari, Vazirlar Mahkamasi qarorlari, Oliy taʼlim, fan va innovatsiyalar vazirligi buyruqlarining bajarilishi, jismoniy va yuridik shaxslarning murojaatlari, universitet kengashi qarorlari bajarilishi tahlil qilindi.

Kengash yigʻilishida universitet tyutorlar kengashining ish faoliyati hamda xorijiy oliy taʼlim muassasalari bilan olib borilayotgan hamkorlik va xorijiy investitsiyalarni jalb qilish holati toʻgʻrisidagi hisobotlar tinglandi.

Transport va qurilish muhandisligi fakultetida oʻquv, oʻquv-uslubiy, ilmiy tadqiqot yoʻnalishlarida va maʼnaviy-maʼrifiy sohada amalga oshirilayotgan ishlar muhokama qilindi.

Bundan tashqari, “Spin-off” korxonalarini tashkil etish, magistratura mutaxassisliklarida oʻquv jarayonining borishi, magistrlik dissertatsiyasi himoyasiga tayyorgarlik holati bilan bogʻliq masalalar ham kengash aʼzolarining eʼtiborida boʻldi.

Kun tartibidagi masalalar yuzasidan qarorlar qabul qilindi.

Anʼanaga koʻra, kengash yigʻilishida ilmiy unvon va daraja olgan professor-oʻqituvchilarga diplomlar topshirildi.