Universitetimizda “Ijtimoiy-siyosiy jarayonlarda partiya faollarining faol ishtirokini taʼminlash” mavzusida ochiq muloqot o‘tkazildi.

O‘zbekiston Liberal-demokratik partiyasi tomonidan tashkil etilgan tadbirda Qonunchilik palatasi va mahalliy kengashlar deputatlari, universitet rahbariyati, professor-o‘qituvchilar, tyutorlar va talabalar ishtirok etdilar.

Tadbirda so‘z olgan deputatlar va rektor Sherzod Neʼmatov “O‘zbekiston – 2030” strategiyasiga kiritilayotgan o‘zgarishtirishlar mohiyati, Prezidentimizning Oliy Majlis va xalqimizga Murojaatnomasida belgilab berilgan vazifalar ijrosi, mudofaa va vatanparvarlik tuyg‘usi, 2026 yilga mo‘ljallangan dastur va ustuvor vazifalar to‘g‘risida o‘z mulohazalarini bildirdilar.

Muloqot davomida yurtimizda kechayotgan yangilanishlar jarayoni, siyosiy partiyalar faoliyati, taʼlim tizimidagi o‘zgarishlar xususida ham keng maʼlumot berildi.
