QALB BOGʻINING BOGʻBONISIZ, USTOZLAR!

QALB BOGʻINING BOGʻBONISIZ, USTOZLAR!

QALB BOGʻINING BOGʻBONISIZ, USTOZLAR!

    Viloyat musiqali drama teatrida Oʻqituvchilar va murabbiylar kuni munosabati bilan “Qalb bogʻining bogʻbonisiz, Ustozlar!” deb nomlangan bayram tadbiri boʻlib oʻtdi. Ushbu tadbirda professor-oʻqituvchilar va talaba-yoshlar ishtirok etdilar.

    Image

    Universitet xodimlari va talabalari kasaba uyushmasi qoʻmitasi bilan hamkorlikda oʻtkazilgan bayram tadbiri avvalida universitet rektori Sherzod Neʼmatov barchaga bayram tabrigini yoʻlladi, samimiy tilaklarini izhor qildi. Joriy yildagi ayrim yutuqlarni alohida eʼtirof etdi.

    Image

    Albatta, bu yilgi bayram katta muvaffaqiyatlar va muhim voqealarga hamohang boʻlmoqda. Xabaringiz bor, yosh olimlarimiz Inomjon Hotamov, Gʻanisher Rahimov va Sevara Mirzayorova “Kelajak muhandislari” respublika koʻrik-tanlovida zafar quchdilar.

        Universitetimiz professorlari Sattor Aliqulov va Aliqul Rahmonqulov “Mehnat faxriysi” koʻkrak nishoni bilan taqdirlandilar.

    Image

    “Koreya xalqaro ixtirochi ayollar koʻrgazmasi” xalqaro tanlovida universitetimiz olimalari – Shahlo Ulasheva oltin va Oftoboyim Qurbonova kumush medallariga sazovor boʻlishdi.

    Image

    Universitetimiz oʻqituvchilaridan Bahodir Saxatov Uzbekistan GTL korxonasi tomonidan tashkil etilgan “Eng fidoyi ustoz” tanlovi gʻolibligini qoʻlga kiritdi. Jonibek Hayitov esa “Yuksak kasbiy mahorat sohibi” eʼtirofiga sazovor boʻldi.

    Image

    Bugun Prezidentimizning farmoniga koʻra, “Kompyuter tizimlarining dasturiy va texnikaviy taʼminoti” kafedrasi professori Zoir Uzoqov “Mehnat shuhrati” ordeni bilan taqdirlandi.

    Image

    Bayram tadbiri quvonchli onlarga boy boʻldi. Bir guruh faol oʻqituvchilarga faxriy yorliqlar va sovgʻalar tortiq qilindi. 10 nafar professor-oʻqituvchi “Oliy taʼlim aʼlochisi” koʻkrak nishonlari bilan taqdirlandilar. “Ijtimoiy va gumanitar fanlar” kafedrasining bir guruh oʻqituvchilari esa “Fidoyi vatanparvar” esdalik nishoni bilan mukofotlandilar.

    Image

    Shuningdek, voleybol va mini futbol boʻyicha oʻtkazilgan “Rektor kubogi” musobaqasi gʻolib va sovrindorlariga ham sovgʻalar ulashildi.

    Image

    Tadbir viloyat musiqali drama teatri jamoasi tomonidan tayyorlangan teatrlashtirilgan tomoshalar va konsert dasturi bilan davom etdi.

    Image

    Bayram tadbiri barchaga xushnudlik baxsh ayladi.